鐵甲雄霸 IRONBEAR by 腋下煩惱絲

由於一開始冇諗住POST流程 所以好多相都冇
咁O岩又有巴打有興趣 希望大家唔好見怪
今次整左: 鐵甲熊霸 IRONBEAR (低成本製作)
(自製P型刻線刀練 刻線練習 金屬色練習 LED練習用)

首先 要一盒熊霸 邊隻色冇所謂 因為一樣樣 只係背件唔同
我揀左白色一大一細果款 貪佢有2隻


第一個挑戰係畫線 刻線前需要一個稿比自己跟係去刻
咁隻熊霸咁圓 點算呢 以下經驗可能幫到你
(呢D相係後補拍攝作示範)
材料: 透明膠紙 + 鉛筆 + 擦膠 + 需刻線模型(後補相所以電動打磨機代替)

首先利用透明膠紙條邊 做成一條直線
(SORRY因為係透明膠紙 所以影得唔清楚)

然後沿住條邊用鉛筆畫

畫好後撕番透明膠紙 就會係以下咁 得到完美直線一條

畫好就係咁既





第二個挑戰係刻線 而我沒有刻線刀 買一把又好貴 所以自製左一把
自製材料: 筆刀+ 舊筆刀刀片 + 電動打磨機

舊筆刀刀片可以整做P型刻線刀練 重點係用電動打磨機將佢磨到適合用


用NO.3磨


磨好就夾番係筆刀上用 如果你都打算整最好磨完試下個效果


IRONMAN心口有圓形 咁我隻熊霸冇理由冇架 而且又有其他要開窿
呢個時侯電動打磨機 + 手銼幫到你
預先畫好一個位係開窿 然後就整成呢張相下面個半圓咁

下面個半顆都開埋佢

熊霸心口係冇一個件做個圓形 咁點算呢??
佢心口個圓形係可以入面呢個件改造

個圓形原本用黎整呢隻手 IRONMAN唔係Fantastic4 個橡皮人/路飛
所以唔要長手要心口

眼都要開


之後就係LED 煩到仆街 LED我就係鴨記買 幾蚊一粒
我就買左有一隻LED本身已經駁好線同電阻 不過貴少少 都係幾蚊粒
另外買埋電 留意LED VOLT數 一般要3V
用2A /3A 果D得1.5V 係推唔著粒LED燈

開窿要開埋個位比燈出 唔好開太大 如果唔係就卡唔住
(成個白痴仔咁 + 上面有個窿開錯左 )

然後就諗好條電線係個模型中間點走同出番黎
中間開窿比條線走 勁煩 然後我就3對線一齊係後面出
長左就CUT左佢

試完OK 拆番出黎 LED接駁最最最後先做

OK冇問題就噴油
全部油都用GAIA 成部野得4隻色 金屬色用9號開油水

成部都係金屬色 , 所以先噴晒灰色底灰(1層) + 黑色(2層)

之後噴金色 做好MASKING 然後上金色 (2層)


再之後噴銀色 MASKING金色既地方 然後上銀色(2層)
相片是沒有的
最後噴透明紅(銀底) MASKING想保留為銀色/金色既地方
然後上透明紅(銀底) (4層: 頭兩層乾噴, 尾兩層濕噴 )

腳底分色細節 (用BLUETAPE覆蓋銀色後噴透明紅)


最後一路組裝 一路拉番D線
用BLUETAPE AA膠 同 白膠漿酒固定D線
大功告成



多謝收看