2013年3月20日 星期三

模型新手 FAQ 合集(不斷更新) by 柒中之柒

模型新手FAQ

QS. 邊度有模型舖同用具賣? 

(太子/旺角/油麻地 )

(深水埗)


(灣仔)


其他香港模型店


Q1. 砌模型要啲乜嘢工具?

如果只係齋砌唔上色的話(即係所謂「素組」),
需要嘅工具主要有

A. 剪鉗一把:用黎將需要嘅部件由膠框架中剪出黎

B. 筆刀一把:用黎批走剪剩嘅水口位

C. 銼刀或砂紙:用黎磨滑批過嘅地方

D. 模型膠水:用黎將部件接合,但如果砌 Bandai 啲新模好多時都唔使用


BB 刹帝利 (水口處理教學)



郡氏膠水/ 水貼軟化劑及固定劑



渣古製作記 (5) 水口/分模線處理


4號D戰車(2)工具


Q2. 如果要上色呢?

如果想要上色的話就要買模型油,
可以選擇手油或者用噴槍,亦可以買模型油噴罐噴。


Q3. 模型油有乜種類?

主要有3種:硝基油(俗稱油性)、水性油、及琺瑯油
每種模型有都有佢嘅特性,
通常都會互相使用,好少會單一用一種
而每種模型油都有佢相對應嘅開油水(稀釋劑),
大家不可混和




水性溶劑/油性溶劑/thinner


BB刹帝利 ("帶袖的"做法)


Q4. 新手適合用邊種方法上色?

新手基於成本考慮,可以先試手油或者用噴罐。
手油可以選用水性油,因為唔會釋出有毒氣體。
噴槍初期成本較高,技巧亦較多,
但長遠來講又會比單用噴罐便宜,而且色彩可以較多變化
所以會係模型上色主流


手油用筆



Q5. 新手買乜嘢模型入手好?

以不才見解,其實真係冇乜所謂,
所以無論係高達又好、飛機又好、戰車又好,
只要覺得有趣,自己又鍾意就得。
當然入門級都係以平價為主,
起碼砌衰咗都唔會太肉赤

Q6. 砌模型嘅流程係點?

買咗盒模型番黎
--->跟說明書對下啲件齊唔齊(99%都齊嘅)
--->刨下份說明書要點齊,唔一定跟足佢嘅步驟,但要有個idea係點砌
--->開始剪件
--->如果考慮上色的話最好先假組一次,以便檢查有冇地方需要執執佢(例如夾口等)
--->修補及打磨
--->噴灰
--->分件上色/組合(有時可能要先組合後上色或者掉番轉,視乎實際情況)
--->滲線/畫線
--->黐上貼紙/水貼/刮貼(如有)
--->噴上合適光澤嘅透明油作保護
--->完成


消光油&光油 - 噴罐




Q7. 如果組合係發現夾口有罅可以點做?

可以用筆地(putty)填補,
一般填補夾口用嘅筆地係牙膏狀,
唧少少出黎用少少開油水開稀,
然後抆落條罅度等佢乾透(通常都會抆高過模型少少),
最後用砂紙打磨至平滑

市面上有好多不同種類嘅筆地,亦有不同用法


渣古製作記 (2) 模型膠水無縫處理


渣古製作記 (3) 瞬間膠(AA膠)無縫處理



Q8. 乜嘢係「噴灰」?有乜用?

如果係打算素組就可以skip咗佢!

噴灰意思係響模型上噴上 Surfacer,市面上有500、1000、1500
號數越大就越幼細。
作用係用黎撫平細紋;檢查模型完唔完美;有助模型油附上模型等


噴灰



Q9. 如何描黑線?

描黑線有兩種方法:
A. 直接用幼針筆(例如高達Marker筆)畫
B. 用開到非常之稀嘅琺瑯油(大約1:6)用面相筆「滲」落要描黑線嘅地方
等乾,出咗界嘅地方就用白電油抹掉


BB 刹帝利 (簡易畫線教學)



畫線工具


滲線示範片段

Q10. 如何舊化?


平價乾粉彩


4號D戰車(6)油漬


4 則留言:

  1. 回覆
    1. 假組即係將模型預先組合一次,當做一個preview.
      方便檢查一下件模型有冇需要修改或者有冇組合上
      既問題.為左方便假組後可以將零件分開,一般都會
      將用黎接合既柱斜斜地咁剪短.因為接合柱短左,零
      件就唔可以好緊密咁接合.所以假組果陣好多時要用
      模型膠紙或者寶貼膠幫助.

      刪除
  2. 剪鉗可以在邊到買?

    回覆刪除