模型舖行街Guide (元朗) by 水落紅

元朗模型鋪(唔包天水圍)

天水圍唔熟所以唔行



元朗D模型主要集中係2個地方,一個係舊合益,一個係元朗郵局個邊

其實元朗唔大,所以好快行晒,同埋我唔講有咩好食了,因為我唔係成日掃街,唔知有咩好食

唔係住元朗的巴打可以坐輕鐵到大棠道站落,或者坐西鐵到元朗西鐵落下面轉輕鐵坐一個站到大棠道

當然你識路的話可以朗屏西鐵出,再行去下圖圈住的地方


係大棠道出站,正常會見到間恆生銀行同麥當勞
佢地中間有條路,行入去會見到小巴總站,再行入DD會見到榮興同美奇
如果突然唔想睇模型,可以轉左去同樂街,不過可能我時運低,經過見親都係肥西老母雞


榮興

榮興有2層上面主要賣模型,有車,軍模,高達,舊模型
下面就賣玩具同模型用品,有魔技研,草粉,噴槍,文具等
間野最抵買的係雙星噴罐$30枝,10蚊一包的1/100高達手
同10蚊一包的紙黏土<呢個之前成日買黎玩,用黎玩/練習幾好,不過咁平,品質一定係差

出左榮興轉左會見到大大個櫥窗放玩具


美奇

通常見到咁大個櫥窗都會以為間野幾大下
但事實上間野得一半都唔知有冇
美奇主要賣新出的模型同玩具
當然都有模型用具賣,亦都有GAIA油賣
間野最抵賣就係雙星油,水/油性都係$10


出左門口轉右,有個元朗戲院,去對面條街會見到

元朗玩具

間野主要賣模型同玩具,模型用具比較少
有時會有特價,買模型格價時可以行埋

行完3間,可以原路返大棠道站個馬路
之後行去對面馬路,經過榮華去到恆香就轉入日新街,會見到

同益街市

之後繼續直行就會係左邊見到

舊合益



門口入去右邊會係卓領
主要賣高達模型同卡,冇咩模型用具買
價錢一般,格價時可以行埋,不過閒日放學時間去會有勁多學生買卡

佳佳
走上一層行個圈就見到佳佳,一般模型用具都有賣,亦有一D水貼賣
間野模型價錢OK,同埋有時會有D大陸模型賣,姐係之前 D龍神丸,牛高達
不過呢2次行親都冇開,所以冇特登記佢D野的價錢,冇記錯噴罐消光好似幾間入面最平


華盛行
係佳佳側邊就係華盛行,一般模型同工具都有
D紙箱戰機全部平10蚊,同埋間野就執,所以有興趣就呢幾個月好行埋
之後再上一層,我好少行呢層

搵唔到個名
間野主要賣車,好似冇高達,我唔熟車,所以冇咩好講

模魂之城
間野賣手辦,要好運先見到佢開門(好似係


其實元朗D模型鋪距離唔算太遠,加上模型野成日改價錢,所以行晒先再買都未遲


X昌(唔記得個名SOSAD

另外有間五金我成日幫襯,老細幾好人,D野都OK平
可以係到買原子灰,火機油,石膏粉,鐵線,五金剪鉗等,都幾多野賣
而我就成日係到買AA膠 $10枝算係咁
不過地點就同上面模型鋪差十萬8千里
完