童年回憶 by 畢中之畢

見Nem巴打post咗呢隻：

又勾起不才童年回憶：
話說當年唔知邊個親戚送咗呢盒模型畀不才
仲「懶」係friend咁同不才一齊砌
當時不才都仲係好細
亦冇任何工具
啲件都係就咁用徒手扭出嚟
砌到個頭果陣
不才個親戚亦都係就咁扭個頭出嚟砌
而呢個頭(同埋拳頭)係連住一支長膠條
可以畀你插入彈弓果度hold住個頭
噤掣就可以彈個死人頭(拳頭)出嚟
點知個親戚就傻下傻下咁將果部份扭斷咗
當時佢表情：
不才就： >>
個死人頭冇得彈起喇
最後點搞？
當時亦唔識有萬能膠呢樣嘢
但就知道吹波膠有少少黏力
咁就唯有用佢黐住先啦
大家都知：吹波膠有得幾黏先得㗎？
結果頂得一陣又跌番落嚟
有冇唔開心？
當時有啲掛.....
始終有啲缺憾.......
不過0靚仔過一排又冇嘢lu
一樣玩得好開心(又有車仔又可以飛拳)
少少 分享
希望唔好悶親大家