OO惡役機Ahead (製作過程完全版)by tired

Bandai Gundam OO HG 1/144 Ahead

前言: 感於其他巴打分享模型作品以推廣模型, 小弟亦只好陪跑獻醜了. 今次砌的是好普通的 1/144 HG gunpla. 因小弟向來愛砌雜魚機. 所以選擇呢隻係 Gundam OO 第二季唔多起眼既惡役機 Ahead. 故事唔太講了因為我其實嚴格上我唔係巾迷而我係總格上的模型迷. 砌得唔好唔好柴我台. 原過程不定期連載於同好會討論帖中, 現重新校訂分享. 因為重係新手底, 所以過程中圖片偶有不足, 或抓不中重點敬請原諒.

一切源自當日生暉劈價. 原本意圖於中秋節假期 quick build 完 成. 結果拖拖拉拉至十二月......
(見全文)


$30





素組完成. 紀錄一下. 呢部 Ahead 有個頸長既缺點. 相中已改短, 但未有相片紀錄.
素組



 


 先將可組合的組件先組合. 但呢隻 Ahead 結構較累贅. 結果要先保留好多半成件要上色後先可以組合. 否則會遮住上唔到色.
分件


噴灰用左郡氏1000水畢地開郡氏天拿. 比例約1:2
噴灰


 噴好第一次灰之後用 600 - 1000 號水砂紙打磨. 有啲平面十
都要過一過砂紙因為生產過程之中會有縮水現象, 形成凹凸坑. 之後若干細件上黑色做底.
打磨x上黑


大身可以唔駛完全噴黑, 根據外形噴落陰影位置即可.
噴影



 比較麻煩既分件, 兩件大腿分件夾中間關節. 所以先噴好中間關節. 用遮蓋膠紙包好後先組合大腿. 要小心包膠帶紙唔好完全夾死. 組合後可以拆得返.
大腿


打磨水口. 之後可以上返灰等待上色
大腿


 主色全部用郡氏油性, 大約溝到似就算.
噴油中

噴油中


上好色後可以組合若干分件一齊做滲線. 呢步用雙星 enamel 琺瑯油上線後用 x20 抹走多餘油漆.
滲線



 滲好線後開始做一啲表面效果. 其一唔想口,咁單調, 其二是想模型既立體感同真實感好啲. 我用小平筆點小小 Vallejo wash 黑色同啡色水性漆跟據模型既形狀, 統一方向掃出啲直線. 以模擬風化效果.
Filter

集裝箱

胸部effect

腰箱effect


 圖中為我使用的 Vallejo wash 水性漆
Vallejo wash


第一層效果主要是深色的風化劃痕.
1st effect



 第二層用灰色的 Vallejo model colour 水性漆做一些淺色的劃痕. 誇張點也可以. 因為之後會用深色的 Vallejo wash 蓋上去做第三層. 過種做法可以加強顏色的色調變化.
第二層effect

第二層effect @胸

第二層effect @腰


 做第三層的風化的相片欠奉了.... 但邏輯和第一二層一樣. 有心機者可以用多幾款顏色做多幾層. 效果會更佳. 而做完第三層之後就要上 coating 保護已上色的效果.啞面漆我用左 Testors
Coating 溝郡氏天拿.


Coating 乾左之後可以做組裝. 有咩執漏就係依家做. 包括刮損補色. Ahead 身上面橙色既機身標示色我 Vallejo gloiss vanish 光澤漆手油左一浸光面上去, 增強色澤對比.
初組合




 之後大致上完成, 由於分件煩冗刮油頗嚴重, 所以我唔擺到太多姿勢. 以下相片多謝收看. 希望係同好會見到更多巴絲嘗試砌模型. 一同分享一同成長 (好官腔) 記住砌模型一啲都唔難而且豐儉由人. 所以 tired can do, so can you. 下次再見, 拜拜.







***************************************************************
講返轉頭, 一切由生暉劈價開始 ... 原本諗住係中秋節果幾日假期quick build 
好彩唔駛過埋聖誕

呢隻其實一路有小小撻Q, 手功重係略帶粗糙. 做唔到心目中果隻感覺, 
好多時埋位砌野時會發左呆唔知點做落去. 可能真係放底左太耐, 
而放底前又唔係特別醒. 到真係歸位時都係一張白紙. 
今次呢隻其實原設定個比例幾好睇. 

沿用00人革連鐵人既骨架比例, 而模型其實都唔算差, 
但好奇怪一入左鏡頭就總係覺得會變Seven左. 真係天生雜魚命 

全機主色用郡氏油性噴好, 之後效果用 Vallejo Wash + Vallejo 水性油完成. 
最後上返一層 Testors 啞面 coating 統一光澤. 

而橙色位置同眼部用 Vallejo Gloss Varnish 手油返一層光澤面做對比. 
另外因為刮件幾嚴重, 所以要就住擺唔到咩姿勢 . 
又另另 ... 噴原設定色個感覺係好似無油油既感覺

承接上文, 今次比較著重風化而唔係太舊化, 
除左想試第二啲感覺之外(因前作魔蟹是注重舊化)重想同00世界其他雜魚有所分別. 

話哂都係GN機, 無奶由會用舊世界量產機一樣舊法. 

而然故事中 A-Law 既時光併不長. 所以中度風化會合理啲. 好, 去相. 多謝收看. 
希望下隻會有所進步...