教你簡易地超額完成一盒[渣古] by 扑濕奈美惠

呢篇製作示範下分享點樣簡易地超額完成一盒男人嘅浪漫--渣古
唔識可以當教學咁睇
識 / wow左就當分享咁睇啦


除左剪鉗界刀砂紙呢啲必備品, 今次用到嘅工具



(見全文)

 

選擇性工具: 手銼, 模型鋸片, 手鑽
左至右:
田宮啞黑: 武器
Marker:
金屬綠: 槍砲瞄準鏡
金: 眼
銀: 斧頭
灰:外露機械部分
黑: 眼, 背包
黃: 右肩
紅: 噴射器內側
Real Touch Marker黑: 上線
Real Touch Marker紅: 眼

渣古製示範(1)
夾口處理(一):模型膠水無縫處理
最常用夾口處理方法 上色/素組都適用 缺點就係等好耐
用肩甲做示範。呢盒肩甲夾口其實可以就咁用貼紙遮住唔搞 但個人喜好所以搞搞佢

提示: 小心確認內部零件放置適當, 唔好黐好先發覺有錯有漏
插口可切短啲方便裝崁

喺需要做無縫地方搽模型膠水, 兩件零件都搽, 搽厚啲都ok

用啲力夾實零件, 務求要唧啲膠水出黎

等幾個鐘頭啲膠水亁晒, 用界刀切走表面唧左出黎啲膠水

用砂紙/打磨海綿之類打磨工具磨平表面

磨好之後, 見到夾口無左
打磨會令造型刻線淺左,可以刻返深佢


夾口處理(二):瞬間膠(AA膠)無縫處理
最常用夾口處理方法之一, 好處係快 但呢個方法只係上色適用, 素組不建議用
PS 碌炮用模型膠水做無縫處理一樣得, 不過為左呢個示範用AA膠做無縫
不過, 個人認為曲面夾口用AA膠做無縫好過用模型膠水

同上, 首先都係茶膠水, 夾實, 唧少少出黎


為保險, 沿夾口喺面頭薄薄地茶多浸

乾左之後又係切走表面凹凸不平嘅膠水

打磨, 磨完之後正常黎講仲會見到夾口
用手摸下有冇凹凸
再喺光源充足嘅地方之下, 檢視清楚有冇凹位, 有就補瞬間膠>打磨

上色後就唔會再見到夾口


夾口處理(三):夾口造型處理
方法(一)(二) 故之然直接, 但打磨真係幾煩
適當時候不妨用啲特別方法
大脾內外側有夾口 範例模型做無縫處理, 但MG版呢度係裝甲接合位
如果由得佢唔搞的話都ok, 但不妨做少少加工修飾下


用刀沿夾口邊刮少少/用砂紙沿夾口邊磨少少

每條邊都做, 強調夾口為裝甲接合位 鍾意的話可以喺度上埋墨線

左邊為今次示範造型, 鍾意圓邊的話可以用砂紙磨成右邊咁樣


渣古製作示範(2)
水口/分模線處理
貼樣將水口位處理平滑, 請參考 柒中之柒巴打 嘅水口處理教學
http://hkgoldenmodel.blogspot.com/2012/06/bb-by_19.html
呢part主要分享下一啲後續小技巧
而家高達模型成型技術的確減少左好多要處理夾口
但有時搞到分模線變左喺正中 一般清況都好似水口咁磨左佢

即使用埋2000號砂紙磨, 唔多唔少都有啞色左
呢個時候就可以用指甲刮刮表面, 當堂滑令返晒


剪深色零件時造成水口白化, 好多時磨平左都搞唔掂
玩上色尤是可, 但唔上色白化就有啲礙眼

針對白化位, 用上線Marker/上色Marker油返近似嘅色

完成, 白化深色返唔覺眼


渣古製作示範(3)
簡單改造加工
對好多人黎講, "改造加工"可能令人敬畏之餘又好遙不可及
所以呢part講下少少簡單加工提升完成度/活動能力

1.一般HG隻角啲尖位因為強度關係都加厚左, 今次仲幾礙眼
小心將多餘部分磨走, 即刻正常好多

2.眼球活動範圍真係低得有啲過分 將影響活動範圍嘅地方切走


3.眼部分先用上黑色(我用模型Marker), 眼球部分上金色作底色, 希望帶少少反光效果

呢個時候再用返一啲用剩嘅透明模型框
揀啱直徑部分, 薄薄切一片, 用膠水黐上去
(如果用Wave嘅H-EYES / Builders Parts就更加直接, 但我冇買而且用模型框慳錢啲又環保啲 )

當然, 有光劍模型框拎黎用仲直接
因為今次我用透明件, 所以事後用 Real Touch Marker上返紅色 (見下文)

事乎效果, 想隻眼淺色啲可以上白色作底色
完成, 眼球活動範圍比原先多左好多

4.大脾旋轉能力非常有限
拆解之下發現原來係插窿位阻住
所以將阻住嘅部分切走

完成, 左邊係加工後 右邊係加工前
活動能力大大提升




5.可能強度問題, 一般HG槍槍頭條罅都填左
想枝槍仔細啲, 可以執執佢

用鋸片小心沿住條罅切個缺口
之後用界刀砂紙之類整靚缺口邊位

完成 簡單又有效


上文提到用Real Touch Marker上透明色
油透明件, 買透明色油當然最好, 但咁少用嘅色特登買隻色好似有啲唔抵
有用Real Touch Marker上墨線嘅不妨試下呢個獨門方法

用筆油晒件透明件, 今次淨係想下半部分有色, 所以油一半

用紙巾(或手指)抹走啲色

啲色一定抹唔晒, 但殘留色澤啱啱好
細心檢視有冇啲實色筆跡, 有就再抹一抹

如此類推, 紅色效果>>淺紅, 藍色>>淺藍



渣古製作(4)
補色
雖然好多要補色嘅地方都有附有顏色貼紙
但照用嗰啲貼紙畀人感覺好小朋友玩具
所以用顏料 / 模型Marker 補色實際啲
單色成型背包, 啱晒示範

先用Marker補紅色, 少少出界都ok

出界部分用界力輕輕刮走

外邊用Marker補黑色, 做法同上
刮嘅時候小心唔好刮花附近


渣古製作(5)
膠貼(唔係水貼)
高達模型成日有透明膠貼, 方便玩家貼, 但易貼亦都易錯位 尤其係大logo
今次講下點貼得個位準
事前工夫:
1.) (選擇性) 近年高達膠貼唔小心刮一刮就好易甩色 所以我事前薄薄地噴水性 top coat 做少少保護
2.) 再準備少少水
1.) 2.)
喺大約位置沾少少水, 再將膠貼浸一浸水

正式就位, 小心將膠貼擺好位, 水層減弱黐力, 可以慢慢修正

貼啱位之後, 用紙巾/綿花棒貼服,索水, 漂亮完成


渣古製作記(6)
埋尾
補晒色, 上好線, 貼完貼紙, 噴Top Coat/Clear, 今次用消光

適當地拆件, 唔洗成隻逐塊逐塊解體


噴嗰陣罐同件距離20-30cm, 橫向移動噴
千其唔好撳實噴死一個位
唔好怱略屈曲先外露嘅關節部分
伸直噴一噴, 乾左, 屈曲再噴一噴


搞掂
渣古算細盒嘅HG模型
細盒但絕對好玩過大盒嗰啲 內容都好豐富
雖然有幾多要處理嘅夾口, 但我覺得OK, 因為要搞下夾口先似玩緊模型
本身都有好多膠貼, 畀玩家好大空間
關節設計算幾好
無奈因為外觀條件限制, 令活動空間受阻礙, 下半更加係重災區
將就下, 擺啲簡單pose都夠玩

手機影相, 影得麻麻, 將就下啦








機關槍彈匣設計幾新鮮, 但未免太有創意, 搞到造型上騎騎呢呢
槍炮用噴罐上色, 斧頭只係補左刀刃位少少色


其實我仲有少少加工, 但唔太建議新手挑戰呢啲加工
因為一炒可能就係咁先
左: 機關槍瞄準鏡搵透明模型框, 剪少少塞入去個窿, 提高完成度
中: 原本槍托太大舊, 'kick'住晒隻手同腰 所以我磨細左佢
右: 原本手碗設計怪怪地 所以用鋸片切左, 改方向再裝過