1/5 首辦super sonico (1) by 牛油手

set起左隻1:5 既人形首辦, 打磨工作都完成左70%
初頭以為大件野易搞D,, 其實大有大既問題,,



首要問題就係企既角度,,因為太大件,, 肉眼會出現誤差,, 好容易企出黎"咩"左
可能set出黎唔覺, 但第二日睇就會覺得唔夠直,,所以我連續set左幾日



地台係模型鋪買 $20, 兩隻腳總共打左3支銅支,
亞加力地台唯一唔好處就係鑽洞鑽死人,,用電鑽又好易鑽大左,
手鑽完3個洞之後, 手指公起左水泡



首辦件條線粗幼不一,, 用銅支重製



手指痴埋晒,,要執執佢



手指修整後,
首先用蝕刻鋸切開晒, 再用筆刀修整,



平平無奇既大脾相??
其實set出黎大脾係痴埋,但設定圖係有小小分開,,
結果強逼症發作,,
勢估唔到,, 為左呢2mm, 要做多一星期既工夫
因為分開之後, 大脾同底褲之間出現好大夾口,,,
要分開女人對腳就係咁煩




手臂夾口用遮羞紙, 原因在於透明膚色唔方便噴灰, 所以"肉"既地方盡量避免修補,,
第日有機會再分享噴膚色



砌人形首辦, 心口太多野會出現問題, e.g 頭髮, bra帶,
因為呢堆野一定會頂住晒,, 要用熱水, 風筒搞一大輪先set到貼貼服服



後面頭髮比較重, 用銅支+ 磁石




前髮比較輕, 用磁石就夠, 唔好多手加銅支,,安裝上會出現問題

整體黎講, 大件首辦工作量係多,
磨既地方多左, 首辦件既重量增加set件難度,

而且有部份"肉"既地方都係要上灰,,,
但最頭痛都係上色, 依家心中都未有上色方案
所以, 磨埋剩低30% 先再算