渣古製作記 (6) 簡單改造加工 by 扑濕奈美惠

簡單改造加工
對新手黎講, "改造加工"畀人感覺令人敬畏之餘又好遙不可及 
所以呢part講下少少簡單加工提升完成度/活動能力


1.一般HG隻角啲尖位因為強度關係都加厚左, 今次仲幾礙眼
小心將多餘部分磨走, 即刻正常好多 


2.眼球活動範圍真係低得有啲過分 將影響活動範圍嘅地方切走


3.眼部分先用上黑色(我用模型Marker), 眼球部分上金色作底色, 希望帶少少反光效果


呢個時候再用返一啲用剩嘅透明模型框
揀啱直徑部分, 薄薄切一片, 用膠水黐上去
(如果用Wave嘅H-EYES/Builders Part就更加直接, 但我冇買
而且用模型框慳錢啲又環保啲#sosad#)


因為今次我用透明件, 所以事後用 Real Touch Marker上返紅色 (見號外)
事乎效果, 想隻眼淺色啲可以上白色作底色
完成, 眼球活動範圍比原先多左好多


4.大脾旋轉能力非常有限
拆解之下發現原來係插窿位阻住
所以將阻住嘅部分切走


完成, 左邊係加工後 右邊係加工前
活動能力大大提升


5.可能強度問題, 一般HG槍槍頭條罅都填左
想枝槍仔細啲, 可以執執佢


用鋸片小心沿住條罅切個缺口
之後用界刀砂紙之類整靚缺口邊位


完成 簡單又有效

渣古製作記 (1) 所用工具 by 扑濕奈美惠

渣古製作記 (2) 模型膠水無縫處理 by 扑濕奈美惠

渣古製作記 (3) 瞬間膠(AA膠)無縫處理 by 扑濕奈美惠

渣古製作記 (4) 有縫造型處理 by 扑濕奈美惠

渣古製作記 (5) 水口/分模線處理 by 扑濕奈美惠

渣古製作記 (6) 簡單改造加工 by 扑濕奈美惠

渣古製作記 (7) Real Touch Marker上透明色 by 扑濕奈美惠

渣古製作記 (8) 補色 by 扑濕奈美惠

渣古製作記 (9) 貼紙 by 扑濕奈美惠

渣古製作記 (10) 消光 by 扑濕奈美惠

渣古製作記 (11) 教學合集 by 扑濕奈美惠