水貼紙小教學 by 扑濕奈美惠

之前買呢款, 但其他款同size都係同樣做法

其實呢款係叫水轉貼紙

打開後有兩種紙
一種似半光澤, 一種好滑好反光

為方便明白, 先解釋清楚
半光澤嗰張用黎印野, 我叫佢叫印貼紙
反光嗰張其實係雙面膠紙

正式製作, 先用 software 排好圖案
排好之後, print之前一定要將全部左右反轉, 例子



Print 好之後將兩種紙疊好, 剪/cut出所需部分(呢張唔記得反轉, resolution又低, 係白老鼠 )



將兩張紙剪到一樣大小之後, 就係最考功夫部分
你要將膠紙啱啱好咁黐上印貼紙上面(唔啱啱好的話最少都要cover所有圖案)
注意, 你得一次機會, 唔好諗住貼錯左可以慢慢'meet'返出黎再貼過


黐好兩張紙之後, 就似的高達刮貼咁, 刮到兩張紙完完全全咁黐實晒


確保黐實之後, 就將張膠紙'meet'返出黎(係 冇錯)

但 meet 完你會發現張印貼紙會變左有黐力


然後將有黐力一邊貼上適當位置(小心啲, 完成左下個step之後無得再修正)
之後又好似刮貼咁, 刮幾刮令貼紙黐實晒

貼好, 好手指印啲水, 等張紙索晒水 (建議邊邊位落多啲水), 索晒水等10秒


10秒過後, 將索晒水張紙慢慢移開
用棉花棒索左多餘嘅水(索嗰陣最好唔好掂到張貼紙, 索唔晒寧願等佢自己乾)


注意:
因為呢種貼紙好薄, 所以大力少少都好容易爛
亦都勝在夠薄, 所以貼曲面都ok, 而且唔會好似一般模型水貼紙咁, 貼完會睇到有條邊
因此, 唔適宜用 Mark Softer, 用完之後張貼紙九成會霉霉爛爛

若果貼完發現有氣泡, 等佢完全乾晒之後, 用cutter好輕力喺氣泡位界一下
再喺氣泡位輕輕力壓返貼服
千祈唔好加水, 加完水再去搞佢好易會爛, 唔好忘記貼紙底本身有黐力