民用車殼上色用品/基本流程 by 潮州佬

車殼上色你需要呢幾樣，使用次序由左至右

上灰即係噴畢地，因為你係黃色車，所以用白色畢地發色會更好，第二支色油，唔一定買田宮，最緊要岩你心水

上網搵真車做對比，可以做得更detail 


處理車殼大概流程：先清左模型分模線，
再用洗潔精洗乾淨分模劑，
上灰一來方便檢查有冇甩漏，二來統一色調，
三來噴畢地令色油上得實d，
上白紅黃色最好用白畢地打底，
發色會更鮮艷 

上 色唔需要太厚，均勻冇痴塵同積油就ok，
之後上層簿光油保護色油先，
再上水貼，之後再上三而五層光油（最好唔好係濕度75%以上做），
放低一而兩個星期等 光油完全收縮再打磨拋光，
上埋車身其他細緻位（如實車車身有黑膠邊，窗邊位等等）滲線可以最後做，
亦可以上光油前做，最緊要留意如果車殼有分件，
如 bumper之類，
一開始留意組合o唔ok，我個人偏向一開始就痴好晒先，
怕最後先痴會有膠水漬，係咁上下啦