暗綠色測試 by 福仔369

嚟緊砌零戰62型所以做咗少少噴罐暗綠色嘅測試,順手貼埋上嚟唔知大家啱唔啱洗

喺日本買咗幾本軍事書同模型參考書,有少少顛覆咗我對零戰表面綠色嘅認識
「三菱のほうは暗く、中島のほうは少し明る目で緑味が強い」
即係三菱機應該係比較黑啲,中島機應該比較綠啲
所以我諗如果要揀嘅話
三菱應該用GSI 15(明明個罐就寫中島系 ),或者TAMIYA AS-21,兩者差距都幾細下

中島應該用GSI 124比較好(明明個罐就寫三菱系 )

另外海軍仲有幾間公司/單位幫佢整飛機,例如:川西,愛知,九州,空技廠等等
之前喺某啲網站略略睇過下
川西就好似比較藍少少,我諗AS-1就比較接近

愛知都好似係綠啲但係咪接近中島綠色就唔清楚
其餘嗰兩間冇乜印象
如果有巴打對日本海軍機熟嘅話不妨指教下或者有錯漏都指證下