Star War 1/144 Falcon by 世尊

N 年無玩舊化, 重手咗 不過幾過癮
















就真係上色,滲線咁簡單, 不過隻 falcon 分兩晚滲同油個啲色塊,

因為從未 整過砂窩, 第一晚成架噴淺灰色, 跟住整個機底嗰面先, 練手同衰咗都無咁覺,

啲色塊就琺瑯油 手油, 都想過遮膠紙 再噴, 不過見好多凹凸位, 唔容易遮膠紙, 所以貪快手用手上, 琺瑯油用松節油濕筆畫, 松節油濕開咗好好油, 手油唔講喇, 呢道大把高手  

滲線真係用孖星 嗰支咋, 開頭用佢個掃, 跟住熟咗用 #1 筆滲, 乾咗就yam 松節油抹

不過隻嘢啲綫又多又深, 滲嗰吓好似好深色, 乾咗就淺色好多, 抹完又淺啲, 所以要滲多幾次先顯現到, 咁滲吓抹吓, 就玩咗 6-7個鐘, 不過見啲雕刻慢慢出嚟 , 所以唔覺時間過 

因為底色用錯隻深灰色  , 第二晚整上面, 就噴過隻淺色啲嘅灰色, 

如是者, 同第一晚一樣, 又係滲 -> 抹 -> 滲 -> 抹 , 直到啲雕刻顯現出嚟 又5-6個鐘