HGUC MSN-04 沙撤比 (2) by 作為電郵轉發

今日又黎講下啦
尋日大家應該記得上左灰 補過夾口
今日就繼續啦

話說其實我唔係好信得過膠水 會再上多次橙蓋畢地 (唔記得影相 )
輕輕力用手指尾吱出黎 用牙簽仔了少少去補就OK
初步磨完應該會咁樣

大體會見唔到夾口 或者用手指甲了一了 會係平滑的

上左灰後

相影得唔好啦 有少少位仲睇到夾口的
趁機可以教下懶人法

拎張廢紙 滴幾滴AA膠 又落D爽身粉係隔離
之後用牙簽將佢地撈勻 大約係整到半糊狀就OK
同畢地用法差唔多 茶上夾口
但要注意係手腳要快 因為好快乾


等一陣好快乾 磨返上返灰 靚仔晒


咁基本上前期處理工作都差唔多啦
可以開泵上色了

先講下基本野啦 最常用的都應該係群氏油性油 (MR COLOR)同GAIA油
噴泵上色比起手油上色要開稀D 如果太杰會起絲
起絲係指由於唔夠天拿水 D油去到模型前已經揮發晒天拿水 會令到出現D絲狀既野 果件件就好難搞了
由於我試過奶過一次野 所以個人偏好水少少的
群氏油大約1:2.5-3 佳亞好似可以開多少少 1:3-3.5
金屬油由於有粒子啦 記得要攪勻晒先好 同埋我覺得金屬色可以水少少
其實講到尾都係靠個人感覺 我唔都會度足晒先開油 開得多自然會感覺到呢D油噴唔噴得

開好油後就到泵了 正常的泵(龜泵好似冇得較?)有得調較壓力

普通噴約0.5 BAR就得 金屬色可以略高 面積大既就可以1BAR或多少少
留意既係唔係IDLE(冇按噴筆) 1BAR就指噴時一BAR
係應該噴緊時 個壓力計指住果個位先係出力 雙動式噴筆噴多或少都會有少少影響
IDLE 1BAR 就差唔多普通噴0.5BAR~ 當然個個泵唔同 大家都可以自己研究下自己個泵

(雙動) 噴既時候隨住你噴多少 影響遠近
噴小面積時可以近D 5-10CM 大面積就約15-20CM 都係果句 個人感覺啦 唔好太近以致積油就已經唔錯
好快地已經上好左黑色




模型友又點會滿足於佢咁簡單既分色 當然要?苦黎辛上多D色

上面果D就係遮蓋膠紙啦
買埋切割用既膠版(上面果塊綠色野) 用筆刀切就得 自己睇住自己要遮既位係點
用筆刀控制形狀
有人會唔要上下 因為覺得平時會痴D塵會冇痴力
遮蓋最緊要係邊位一定要實 唔好比油飛到入去 每次噴遮蓋件前為保安全都應該檢查下邊位以防走光


我成日都話上色要有計劃 好似呢度咁
一開始計劃左要上噴射器做銀色 就可以食住黑色個勢 (金屬色用黑色會出色D)
包一包直接上銀色就掂

每次拆都好緊張 我自己唔係遮蓋高手 硬係會有少少一兩件件走光
今次都不例外 背包有少少走光 唉唔理了

之後又係同樣既步驟 上紅色了
紅色我鐘意68號紅 紅得好鮮 黃色就唔打算用純黃, 用普通黃+D 68紅 溝D 偏橙紅既黃

由於紅色件好難係灰上面發色 紅色要係黃色上面發色先會靚D
所以今次將紅色同黃色件一齊上晒黃色先
當然唔少得又分下色



初步成品 睇下分左色後肩甲型仔幾多

彩光眼+頭


HGUC MSN-04 沙撤比 (3) by 作為電郵轉發
HGUC MSN-04 沙撤比 (1) by 作為電郵轉發