香港模型同好會: 1/700 山城 (6) by Windstoss

報告返部山城嘅進度先
呢排進展唔算多
只係完成多咗少少零件

1. 海魂嘅吳式彈射器，零件多但唔難折，又唔易變形，好容易用 #good#

2. 第一次用金屬砲管，需要係砲盾上鑽窿，開頭個幾個鑽到有啲爆咗膠 [sosad]

3. 最後一個係重點，彩虹蝕刻片嘅起重機
我用過嘅蝕刻片牌子唔算多，得青島社、海魂、鷹翔同呢個牌子
但最垃圾應該都算係佢，佢啲蝕刻片就咁望落就正正常常，但我用到上手先知中伏
其他蝕刻片我一隻手用蝕刻鉗夾住快零件，另一隻手用筆刀一折就搞掂
呢款呢？一折就連其他唔應該彎嘅地方都同我彎埋，我頂佢個肺 fuck