越南大戰戰機(2) by 超級洛克人

全體用av水膠彩黑色底灰手掃 ( 可用清水稀釋 ) 駕駛位錶板用德國灰乾掃 坐位保留黑色無掃色 (我是油好後才砌入機身)  火神炮用銀色琺瑯油乾掃 主要掃炮咀及個兩餅野角邊位 因為炮管掃得唔滿意 遲些再執一執  主色用田宮水性 圖中有水性專用開油水、慢乾劑、主色XF62 Olive Drab、筆 溫莎牛頓筆 (推介大家用) 比較一般平價筆貴 但用後覺得吸水力比十零蚊枝既平價筆好 把XF62 Olive Drab加些少開油水稀釋 (份量估估下，感覺掃得順就得) 及加超少慢乾劑 (開始油有加慢乾劑，之後第二次再開油補色無加) 用廚房紙巾印一印乾筆毛，一筆一筆順方向掃，掃幾筆洗一洗筆再續 (洗筆用天拿水洗，因為水性開油水洗唔淨) 凹位及滲線位透出少少黑底唔緊要當舊化 推介這膠樽有內蓋，緊密性良好 富聯3蚊個 用來裝天拿水及其他溶劑 待續‧‧‧‧ 越南大戰戰機(3) by 超級洛克人 越南大戰戰機(1) by 超級洛克人