[解說] 開油水/Top Coat by 畢中之畢

Thinner = 天拿水/稀釋劑/開油水
用嚟將油漆調至合適嘅濃度
正如你用水彩，都唔係買番嚟就可以就咁用
都要用水開咗先
Thinner 嘅作用就同水一樣將模型油開稀至合適濃度先至去油
可以將幾隻油溝咗先再落開油水
油：開油水 比例 大約 1:3 - 1:4 左右
不才會用廢膠或者報紙試咗先
(濃度大約可以遮蓋到啲字)
另外想油得順啲少啲筆痕的話
就可以買多樽「慢乾劑 Retarder」
至於Top Coat 係噴罐嚟
除咗可以消光之外
仲有保護之前油咗嘅色嘅作用
巴打話屋企唔方便噴
其實都係差唔多砌好晒最後先噴表面兩嘢
如果開窗向外噴兩下應該唔係太大問題
利申：不才都唔可以屋內噴要向窗外噴
提多一樣嘢：
巴打落咗啞油然後滲線
啲滲線油會有機會化開至其他地方
較保險嘅做法係
油完>> 噴光油(保護)>> 滲線>> 噴消光(調整光澤度同保護)