模型比例直接影響光澤度 by 柒中之柒

        玩左廿年模型先想問..
        點解高達啞色會靚d? (真實感?)
        咁點解車呢d 光面會靚d? (真實感?)  

理論上，模型比例係直接影響光澤度:
比例愈細；光澤度亦會愈細
所以一般非金屬色系列(例如高達)縮小至1/144(HG/RG)或1/100(MG)
其光澤度亦要相對要減少
先合乎視覺上嘅「舒服」
所以一般情形下都用「消光」去調整
又，跑車一來比例較大(例如1/24)
二來跑車真車正常都會省到立立令
所以模型表現上都會保持高光澤
另外，除咗「光澤」及「消光」之外
仲有種係叫「半光澤」
顧名思義就係介乎光澤同消光之間
通常用響中比例而實物又有光滑面嘅模型上
例如飛機等
當然，理論還理論，唔係定律
總會有例外
例如新安洲、卡碧妮呢類比較強調金屬感同美形嘅機體
一般都會保持光澤狀態以增加視覺美感
一句講晒：「靚啲！」
而戰車雖然唔係細比例(一般係1/35)
但真實情況下都唔會係立立令
所以都會用「消光」去處理