拋光打磨教學 by 膿周掛鼓

拋光打磨既小小分享,小弟學藝不精,大家當係反面教材汲取經驗罷啦 
手機鏡頭花左,影到濛查查,多多包容 
 
上完光油後,燈膽反射好濛,今次由#1200沙紙開始打磨至平滑>#1500>#2000(白色車,磨完影出黎冇分別,所以skip左) 
 
再用田宮粗目磨光膏捽(用布輕手捽),相片睇得出燈膽外形,細緻位可以用棉捧捽,唔怕手指頭督爛模型(小弟冇幼目磨光膏,所以又skip一個step )
 
洗乾淨再直接跳去仕上目磨光膏捽,可以清楚睇到燈膽(唔知影唔影到 )基本上每捽一次都會摸得出車款表面更滑,坊間有更幼細既磨光膏,想追求更靚既鏡面效果可以搵搵(最好通知埋小弟,因為我唔知邊度有 ) 
 
未上色前既銳角修整有幾重要?睇下車頂磨穿油就知,用筆手塗補返色算啦其實車身有其他細位穿大少少,不過白色車好難影 
 
滲完後,最後就係上蠟水,田宮蠟水有埋布送,我都係求其捽勻再抹一抹就算,唔知有冇做錯,但係出黎既效果會更令更反光,摸落更加滑 
今次比較懶,平時拋光呢#1200打磨至平滑後會再上返一兩層光油,咁樣會令之後研磨步驟冇咁易穿油,特別係落場版拉花跑車,去水貼邊其實已經會磨走面層大量光油,直接再拋光九成會穿油 
以上就係小弟捽穿油拋光既小小心得,希望會幫到大家