N scale 鋪道碴by 我他媽相信你

今日都係死死地砍掉重練，重新再鋪過d石，之前實在整得太樣衰

(因為鋪過3次，以下圖片內容會有差異 )

先查d白膠漿


用樽慢慢倒落去


底果層痴好後就可以大量倒落去，之後用掃慢慢掃走直到見返條路軌
至於複線部份，現實中間位置通常較少石仔，所以用卡紙剪出適當形狀掃走多餘渣


基本成形


然後就係最重要既部份 (今次要糾正我重複既錯誤)
首先一定要有噴壺，裝滿水，然後加少少清潔劑落去(我加藍威寶，幾滴就 夠)
另外白膠漿都要加少少清潔劑，溝勻佢
(P.S白膠漿買現成開稀左果種比較好，自己溝都得，不過鋪路軌既話一定絕對要溝勻)


先用噴壺噴濕佢，離遠少少唔好吹散d石，噴濕佢係要等佢跟住落白膠漿容易滲透，
而清潔劑係要破壞水既表面張力，如果唔係一滴到水落去，d石就會一達達，或縮埋一舊舊


噴濕晒就可以落白膠漿，用滴管一滴滴o即落去，因為頭先噴濕左又加左清潔劑，所以d石就唔會變形


待乾待續，聽日上色